مبدئيا كده المقال ده موجه لاي حد بيتكلم الماني او بيتعلم الماني سواء كان خريج جامعة او معهد ودرس فيهم اللغة الالمانية او كان اتعلم اللغة في كورس او اتعلم لوحده اونلاين او ايا كانت الطريقة المهم انه يكون بيتكلم الماني كويس بغض النظر عن الشهادات
طيب انا هاحاول انقل خبرتي البسيطة جدا في المجالات اللي اشتغلت فيها وهيا الكول سنتر والتدريس والسياحة (طبعا فيه حجات تانية زي الترجمة والشركات الالمانية في مصر او الشركات اللي بتستورد من المانيا وبتحتاج مترجمين او ايا كان بس انا هاتكلم هنا عن الحجات الشائعة واللي انا برضو عندي خبرة فيها )
اولا الكول سنتر :
ده يعتبر من اهم المجالات اللي متحدثي الالمانية بيشتغلوها في مصر ...من اهمهم لان عدد الشركات بقا كبير وفي تزايد مستمر لان الشركات دي بتحقق نجاحات ف بالتالي الاكونتات اللي فيها بتكبر وبتيجي اكونتات جديدة وبالتالي بيحتاجوا ناس اكتر يشتغلوا .... من اهم المجالات برضوا لان المرتبات فيها تعتبر جيدة الى ممتازة
هنتكلم شوية عن المرتبات ..اولا المرتيات حاليا واحنا في مايو 2020 متوسطها من 9000 الى 12000 ده الشريحة الاكبر بتكون مرتباتهم كده اللي هما ناس شغالين كول سنتر عادي... فيه ناس بتقبض اقل من كده بس دول قليلين جدا وغالبا بيطوروا مستواهم ويعلوا للشريحة الاكبر وفيه ناس بيقبضوا اكتر من كده ودول نوعين ...النوع لاول بيكون جزء من الشريحة الكبيرة اللي اتكلمنا عليها بس بجانب شغله ك ممثل خدمة عملاء بيكون مطلوب منه او عنه اوبشن انه يعمل sales في نفس الوقت بمعنى انه بيجيله عميل عنده مشكله شغله الاساسي يحاول يحل المشكلة وف نفس الوقت ممكن يحاول يبيعله حاجة جديدة ف لو عمل كده بياخد فلوس زيادة على مرتبه اللي نسبة حسب مبيعاته وما اقدرش احددها لان ممكن حد ما يعملش مبيعات خالص وممكن حد تكون نسبته 10000 مثلا وف نفس الوقت مش كل الشريحة المتوسطة دي عندها الاوبشن ده لانه متوقف على الشركة ةالاكونت اللي انت شغال فيه
النوع التاني بقا من المرتبات العالية هما ناس شغالين ف اكونتات السالري اصلا بتاعها ممكن يوصل ل 15000 ودول مش كتير
ده بالنسبة للمرتبات في الكول سنتر
طيب بعض المميزات اللي هتلاقيها لو اشتغلت ممثل خدمة عملاء باللغة الالمانية
زي ما قولنا اول حاجة المرتب كويس جدا ثانيا التأمين الصحي اللي فعلا بيكون كويس جدا برضوا في مستشفيات كويسة وتغطية كبيرة ثالثا معظم الشركات عندها transportation
من وجهة نظري دي اهم المميزات
هنكمل كلام في المقال الجاي عن التدريس والسياحة
طيب انا هاحاول انقل خبرتي البسيطة جدا في المجالات اللي اشتغلت فيها وهيا الكول سنتر والتدريس والسياحة (طبعا فيه حجات تانية زي الترجمة والشركات الالمانية في مصر او الشركات اللي بتستورد من المانيا وبتحتاج مترجمين او ايا كان بس انا هاتكلم هنا عن الحجات الشائعة واللي انا برضو عندي خبرة فيها )
اولا الكول سنتر :
ده يعتبر من اهم المجالات اللي متحدثي الالمانية بيشتغلوها في مصر ...من اهمهم لان عدد الشركات بقا كبير وفي تزايد مستمر لان الشركات دي بتحقق نجاحات ف بالتالي الاكونتات اللي فيها بتكبر وبتيجي اكونتات جديدة وبالتالي بيحتاجوا ناس اكتر يشتغلوا .... من اهم المجالات برضوا لان المرتبات فيها تعتبر جيدة الى ممتازة
هنتكلم شوية عن المرتبات ..اولا المرتيات حاليا واحنا في مايو 2020 متوسطها من 9000 الى 12000 ده الشريحة الاكبر بتكون مرتباتهم كده اللي هما ناس شغالين كول سنتر عادي... فيه ناس بتقبض اقل من كده بس دول قليلين جدا وغالبا بيطوروا مستواهم ويعلوا للشريحة الاكبر وفيه ناس بيقبضوا اكتر من كده ودول نوعين ...النوع لاول بيكون جزء من الشريحة الكبيرة اللي اتكلمنا عليها بس بجانب شغله ك ممثل خدمة عملاء بيكون مطلوب منه او عنه اوبشن انه يعمل sales في نفس الوقت بمعنى انه بيجيله عميل عنده مشكله شغله الاساسي يحاول يحل المشكلة وف نفس الوقت ممكن يحاول يبيعله حاجة جديدة ف لو عمل كده بياخد فلوس زيادة على مرتبه اللي نسبة حسب مبيعاته وما اقدرش احددها لان ممكن حد ما يعملش مبيعات خالص وممكن حد تكون نسبته 10000 مثلا وف نفس الوقت مش كل الشريحة المتوسطة دي عندها الاوبشن ده لانه متوقف على الشركة ةالاكونت اللي انت شغال فيه
النوع التاني بقا من المرتبات العالية هما ناس شغالين ف اكونتات السالري اصلا بتاعها ممكن يوصل ل 15000 ودول مش كتير
ده بالنسبة للمرتبات في الكول سنتر
طيب بعض المميزات اللي هتلاقيها لو اشتغلت ممثل خدمة عملاء باللغة الالمانية
زي ما قولنا اول حاجة المرتب كويس جدا ثانيا التأمين الصحي اللي فعلا بيكون كويس جدا برضوا في مستشفيات كويسة وتغطية كبيرة ثالثا معظم الشركات عندها transportation
من وجهة نظري دي اهم المميزات
هنكمل كلام في المقال الجاي عن التدريس والسياحة
